Қазақстан 2016 жылғы Олимпиадаға күрестен алғашқы лицензияны иеленді

<p style="text-align: justify;"> <strong>Қазақстандық балуан Досжан Қартықов 2016 жылы Рио-де-Жанейрода өтетін Олимпиада ойындарына күрестен алғашқы лицензияны жеңіп алды.</strong></p> <p style="text-align: justify;"> 75 келіге дейінгі салмақта сынға түскен Досжан Қартықов украиналық Дмитрий Пышковты 4:2 есебімен, молдовалық Игорь Бисляганы 6:0 есебімен, одан әрі Олимпиада ойындарының жеңімпазы, әлем чемпионы оңтүстіккореялық Хенву Кимді 4:2 есебімен жеңді. Кореялыққа көп күш сарп еткен атлетіміз ширек финалда олимпиада чемпионы ресейлік Роман Власовқа жол берді.</p> <p style="text-align: justify;"> Ынталандыру кездесуінде Қартықов 2014 жылғы әлем чемпионы армениялық Арсен Джулфалакяннан 5:2 есебімен басым түсті. Сонымен, олимпиада ойындарының күрестен алғашқы лицензиясы қоржынымызда, ал спортшымыз әлі қола жүлде үшін соңғы белдесуін өткізеді.</p> <p style="text-align: justify;"> Тағы бір қазақстандық балуан Ерұлан Ысқақов (98 келі) алғашқы белдесуінде Азия ойындарының финалисі қытайлық Ди Ксиаодан (4:7) ұтылды.</p> <p style="text-align: justify;"> Ал Демеу Жадыраев (66 келі) ширек финалға дейін сүрінбей жетіп, сербиялық Давор Штефанектен 3:4 есебімен жеңілді.</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>