Жәнібек Әлімханұлы Сауль Альваресті жекпе-жекке шақырды

Орта салмақта WBO нұсқасы бойынша әлем чемпионы қазақстандық Жәнібек Әлімханұлы (14-0, 9 КО) суперорта салмақта абсолютті әлем чемпионы мексикалық Сауль Канело Альваресті (59-2-2, 39 КО) жекпе-жекке шақырды, деп хабарлайды Prosports.kz.

«Канело, жекпе-жек өткізейік! Мен саған Қазақ стилін көрсетемін!», – деді Әлімханұлы ES ​​News арнасына берген сұхбатында.

Еске сала кетейік, Жәнібек IBF титулының иегері Винченцо Гуальтиеримен (21-0-1, 7 КО) жекпе-жекке дайындалып жатыр.

Жекпе-жек 14 қазанда Розенбергте (Техас, АҚШ) өтеді.