Жәнібек Әлімханұлының дайындығы қалай өтіп жатыр?

Қазақстандық боксшы, орта салмақта WBO тұжырымы бойынша әлем чемпионы Жәнібек Әлімханұлы келесі жекпе-жегіне дайындық қалай жүріп жатқанын айтты, деп хабарлайды Prosports.kz. 

«Жаттығу өте жоғары деңгейде. Спаррингтер қызып жатыр. Төрт спарринг-серіктеспен жұмыс істеп жатырмыз. 14 қазанда әлемге қазақ стилін көрсетеміз!» — деп жазды боксшы.

Еске салайық, 14 қазанда Розенбергтегі (Техас штаты, АҚШ) Fort Bend Epicenter аренасында Жәнібек IBF чемпионы Винченцо Гуальтьеримен (21-0-1, 7 КО) жұдырықтасады.