"Бұл менің бапкерлік мансабымда ие болған ең жоғары лауазымым, сонымен қатар жауапкершілігі де зор. Бізді күшті әрі мықты ете түсетін процесстер де осы жауапкершіліктен туындайды. Ұлттық құраманы таныту бар жан-тәнімен суперқаһарман-футболшыларына берілген футболсүйер - бүкіл Италияны таныту деген сөз: Италияның үлкен жетістіктерге ие тарихы бар, мықты чемпиондар да болды, бүкіл әлем мойындаған жетістіктері де бар. Біз мықты ұлттық команда болып, алаңдағы мінез-құлқымызбен өзгелерге үлгі көрсетуіміз керек".Лучано Спаллети
Бапкер келісімшартқа 2026 жылға дейін отырған: АҚШ, Канада және Мексикадағы мундиалдарға дейін. 13 тамызда ұлттық құрамадан кеткен итальяндық бапкер Роберто Манчини болса, қазір Сауд Арабиясы құрамасының тізгінін ұстаған.
"Біздің құраманың ойындарын асыға күтіп жүрмін. Италия футбол федерациясының қызметкерлері маған көп көңіл бөлді, олар Украина мен Солтүстік Македониямен болатын келесі екі матчта жеңіске жеткенімізді қалайды. Әрине, бұл арада қандай да бір уәде беру қиындау, бірақ барлық футболшы өз ісіне ыждаһаттылықпен кірісетіндігіне кепілдік бере аламын. Өз басым, ортақ іске толықтай бел шеше кірісіп, жан берісіп, жан алысқан ойынды тамашалау", - Лучано Спаллети
Италияда Спаллетти "Эмполи" командасының бапкері болған кезде де В және С серияларында жеңіске жетті. Ал "Ромамен" бірге ол Италия Кубогында екі рет және елдің Суперкубогында бір рет жеңіске жетті.
Спаллети ұлттық құрамамен алғашқы емтиханды 10 қыркүйекте өткізеді, бұл Еуро-2024 іріктеу ойындары аясында Италия Солтүстік Македониямен ойнайтын кезеңмен тұспа-тұс келеді. Үш күннен кейін олар өз алаңында Украинаны қабылдайды.