Бадди МакГирт Жәнібек Әлімханұлымен серіктестікті тоқтату себебін атады
Белгілі америкалық маман Бадди МакГирт Prosports.kz сайтына берген эксклюзивті сұхбатында Жәнібек Әлімханұлымен жұмысты неліктен тоқтатуға шешім қабылдағанын айтып берді.
– Бадди, неге Жәнібек Әлімханұлымен жұмысты тоқтатуды ұйғардың?
- Мені ешкім жұмыстан шығармағанын бірден айтқым келеді. Тек олардың келесі жекпе-жектегі қаламақысы үшін ұсынысын қабылдамадым.
– Яғни, Жәнібектің командасы жаңа келісім-шарт ұсынды ма, әлде ескі шарттармен келіспедің бе?
– Жоқ, олар бұрын соңды болмаған жаңа ұсыныспен келді. Маған бұл ұнамады, сондықтан мен олармен Калифорнияға ұшпадым.
– Жалпы, Жәнібек Әлімханұлының болашағын қалай бағалайсыз? Ол орта салмақтағы барлық титулдарды жеңе ала ма?
- Әрине. Жәнібекке бар жақсылықты тілеймін. Ол абсолютті әлем чемпионы болады деп үміттенемін.
– Бұған дейін сіздердің залда Қазақстанның тағы бір боксшысы Данияр Елеусінов жаттыққан болатын. Сіз онымен жұмыс істейсіз бе?
- Иә, ол менімен бірге жаттығады.
Еске салайық, бұған дейін Жәнібек Әлімханұлы Бадди МакГиртпен ынтымақтастықты тоқтатқанын хабарлаған болатын. Бұл ретте қазақстандық америкалық маманмен әлі де дос екенін және байланыста екенін атап өтті.