Рыбакина US Open-ді ірі жеңіспен бастады

Қазақстандық теннисші Елена Рыбакина «Үлкен дулығаның» хард турнирі — АҚШ ашық чемпионатының екінші айналымына шықты, деп хабарлайды Prosports.kz.

Рыбакина US Open бірінші кезеңінде украиналық Марта Костюкті 6:2, 6:1 есебімен тас-талқан етті. Матч 1 сағат 27 минутқа созылды.

Қазақстандық теннисші 12 брейк-пойнттың бесеуін пайдаланды. 

Енді екінші айналымда ол Панна Удварди (Венгрия) — Айла Томлянович (Аустралия) жұбының жеңімпазымен кездеседі.