Ерлер арасындағы финалдық матчта әлемнің бірінші ракеткасы, испаниялық теннисші<span> </span>Карлос Алькарас<span> </span>ойнайды. Оның қарсыласы - әлемнің екінші ракеткасы, сербиялық теннисші<span> </span>Новак Джокович.
Алькарас жартылай финалдық матчын польшалық теннисші Хуберт Хуркачқа қарсы өткізді. Ол бірінші сетте 2:6 есебімен ұтылғанымен, кейінгі екі сетте 7:6(4), 6:3 есебімен жеңді.
Ал Новак Джокович германиялық теннисші Александр Зверевпен ойнап, 7:6(5), 7:5 есебімен екі сетте жеңіске жетіп, финалға өтті.
Енді әлемнің бірінші және ракеткалары Цинциннатидегі турнирдің финалында Астана уақытымен ертең, шамамен сағат 02:30-да ойнайды.
Ал әйелдер арасында турнирдің финалында әлемнің жетінші ракеткасы, АҚШ өкілі<span> </span>Кори Гауфф<span> </span>пен әлемнің 17-ракеткасы, чехиялық<span> </span>Каролина Мухова<span> </span>ойнайды.
Кори Гауфф жартылай финалда әлемнің бірінші ракеткасы, Польша өкілі Ига Швентекті 7:6(2), 3:6, 6:4 есебімен жеңіп кетті.
Ал Каролина Мухова әлемнің екінші ракеткасы, Беларусь теннисшісінен тағы да басым түсті. Бұл матч та үш сетке созылды. Мухова Соболенконы 6:7(4), 6:3, 6:2 есебімен ұтты.
Айта кетейік, Каролина Мухова мен Кори Гауффтың финалдық матчы Астана уақытымен бүгін, 20 тамызда сағат 23:30-да басталады.