TANECO кубогы: «Барыс» «Ак Барс» командасымен кездеседі

13 тамызда елордалық «Барыс» Ресейдің Қазан қаласында өтіп жатқан шайбалы хоккейден TANECO кубогында жергілікті «Ак Барс» командасымен кездеседі, деп хабарлайды ҚазАқпарат тілшісі.

Кездесу елорда уақытымен 22.00-де басталып, «Qazsport» және КХЛ-ТВ телеарналарынан тікелей эфирде көрсетіледі.

Аталған турнирдегі алғашқы екі ойында қазақстандық команда қарсыластарына есе жіберіп қойды.