Қазақстандық теннисші Португалиядағы турнирдің екінші кезеңіне шықты

Қазақстандық теннисші Денис Евсеев Портуда (Португалия) өтіп жатқан Челленджер сериясы турнирінің екінші айналымына шықты, деп хабарлайды Prosports.kz.

Жарыстың бірінші айналымында Денис португалиялық Жоао Домингесті үш сетте ұтты. Қорытынды есеп 6:2, 3:6, 6:3.

Кездесу 1 сағат 57 минутқа созылды.

Келесі айналымда Евсеев америкалық Эмилио Наваға қарсы ойнайды.