Зарина Дияс Азияның бірінші ракеткасы болды

<p style="text-align: justify;"> <strong>Қазақстанның бірінші ракеткасы Зарина Дияс WTA рейтингінде азиялықтар арасында үздік болды.&nbsp;</strong></p> <p style="text-align: justify;"> Әйелдердің теннис ассоциациясының жаңарған рейтингінде 21 жастағы Дияс 33-орыннан 34-орынға түсті. Алайда қытай теннисшісі Пэн Шуай одан да көп позицияға төмендеп қалғаннан кейін, яғни 32-орыннан 38-орынға түскеннен кейін Дияс WTA рейтингінде Азияның бірінші ракеткасы болды.</p> <p style="text-align: justify;"> Осыған дейін Азияның үздік ракеткасы атағын ұзақ уақыт бойы Қытайдың теннисшісі Ли На болып келген еді. Ол 2014 жылы қыркүйек айында мансап жолын аяқтады.&nbsp;</p> <p style="text-align: justify;"> Еске сала кетейік, WTA рейтингінде америкалық Серена Уильямс көш бастап келеді. Одан кейін румын қызы Симона Халеп пен ресейлік Мария Шарапова орналасқан.</p> <p style="text-align: justify;"> &nbsp;</p> <p style="text-align: justify;"> Тengrinews.kz сайтынан</p>