Украиналық Олимпиада чемпионы ресейлік қарсыласының қолын алмағаны үшін жарыстан шеттетілді

<span>Семсерлесуден әлем чемпионатында украиналық Ольга Харлан жарыстан шеттетілді, деп хабарлайды Prosports.kz тілшісі Nur.kz сайтына сілтеме жасап. </span>

<span>Украиналық сабляшы Ольга Харлан жарыстың 1/32 айналымында ресейлік Анна Смирновамен кездесіп, 15:7 есебімен жеңген болатын. </span>

<span>Кездесу аяқталған соң ресейлік спортшы украиналықтың қолын алмақ болған. Алайда Украина өкілі қарсыласының қолын алмай, жауап ретінде оған саблясын көрсеткен. Бірнеше секундтан соң ол бұрылып, жарыс алаңынан кетіп қалды. </span>

<span>1/16 финалда Харлан болгариялық споршымен кездесуі керек еді. Алайда ол жарыс жолағына шыққан жоқ. </span>

<span>Халықаралық семсерлесу федерациясының регламентіне сәйкес, Харлан ереже бұзғаны үшін қара карточкамен жазаланбақ. </span><span>Осылайша, екі айға дейін турнирлерге қатыса алмайды.</span><span> Демек, ол Миландағы әлем чемпионатының командалық турнирінен де сырт қалады. </span>

<span>Ольга Харлан саблямен семсерлесуден Бейжің Олимпиадасының чемпионы, Лондон және Рио Олимпиадаларының жүлдегері. Әлемнің алты дүркін, Еуропаның 8 дүркін чемпионы.</span>