Қазақстандық спортшы байдарка мен каноэда ескек есуден әлем чемпионы атанды
Италияның Ауронзо қаласында жасөспірімдер мен жастар арасында байдарка мен каноэда ескек есуден әлем чемпионатында батысқазақстандық Мария Бровкова 18 жасқа дейінгілер арасында С-1 санатында 1000 метрлік сайыста 4:35.01 секунд көрсеткішпен бірінші орынды иеленді, деп хабарлайды Prosports.kz тілшісі Zakon.kz сайтына сілтеме жасап.
Мажарстандық Река Саркани күміс жүлдегер атанса, өзбекстандық Шохсанам Шерзодова үздік үштікке ілікті.
Сонымен қатар тағы бір қазақстандық Руфина Ысқақова 23 жасқа дейінгілер арасында С-1 санатында 1 мың метрге жарысудан мәре сызығын екінші болып кесті.
Ол мажарстандық Борька Загывайға ғана жол берді.
