УЕФА әлем чемпионатына іріктеу формуласын өзгертті
Швейцарияның Ньон қаласында өткен УЕФА Атқару комитетінің кезекті отырысында олар 2026 жылғы әлем чемпионатының іріктеу турнирінің форматын өзгерту туралы шешім қабылдады, деп хабарлайды Prosports.kz.
2026 жылғы әлем чемпионатының финалдық ойындарына қатысушылардың жалпы саны 32-ден 48 командаға дейін ұлғайтылғандықтан, Еуропада таласатын орындар көп болады.
Бастапқыда УЕФА-да финалға 13 жолдама болса, енді бұл көрсеткіш 16-ға дейін артады.Осыған байланысты іріктеу форматы өзгереді.
УЕФА жаңа формула қабылдады, оған сәйкес барлық еуропалық командалар 4-5 командадан тұратын 12 топқа бөлінеді (алты топ бестен және алты топ төрттен, Ресей әлі де санкциялар астында екенін ескерсек). Топтың 12 жеңімпазы әлем чемпионатына тікелей жолдама алады, ал екінші орын алған 12 құрама әлем чемпионатына қатыса алмайтын 2024/2025 жылғы Ұлттар лигасының үздік төрт командасымен бірге плей-офф кезеңіне өтеді. Бұл 16 команда Еуропадан әлем чемпионатында соңғы төрт орынға таласады.