Қазақстандық теннисші Англиядағы турнирдің екінші айналымына шықты

Қазақстандық теннисші Александр Недовесов Истборн қаласында (Англия) өтіп жатқан ATP-250 сериясы турнирінің екінші айналымына шықты, деп хабарлайды Prosports.kz.

Эквадорлық теннисші Гонсало Эскобармен бірге қазақстандық спортшы швед Андре Горансон мен Жапония өкілі Бен Маклахлан жұбын 6:7, 7:6, 10:5 есебімен ұтты.

Матч 2 сағат 11 минутқа созылды.