Скатов Уимблдонның іріктеу кезеңіндегі қарсыласын білді

Дүйсенбі, 26 маусымда басталатын Уимблдонның ерлер арасындағы іріктеу кезеңіндегі жұптар белгілі болды, деп хабарлайды Prosports.kz.

Турнирдің негізгі кезеңіне өту үшін спортшылар үш кездесу өткізуі керек.

Қазақстандық теннисшілерден Тимофей Скатов іріктеу кезеңіне жолдама алды. Қазақстандық спортшы бельгиялық Киммер Коппеянспен кездеседі.

Іріктеуде италиялық Маттео Арнальди қытайлық Цзюнчэн Шанмен кездеседі. Аустралиялық Танаси Коккинакистің қарсыласы швейцариялық Леандро Риди, ал венгриялық Фабиан Марожан украиналық Алексей Крутыхпен кездесу өткізеді.