Қазақстандық теннисші Ұлыбританиядағы турнирдің жартылай финалына шықты

Қазақстандық теннисші Александр Недовесов эквадорлық Гонсало Эскобарпен бірге Илклиде (Ұлыбритания) «Челленджер» сериясындағы турнирдің жұптық сынында жартылай финалға шықты, деп хабарлайды Prosports.kz. 

Александр мен Гонсало ширек финалда германиялық дуэт Хендрик Ебенс пен Константин Франценді жеңді. Кездесу 6:4, 3:6, 10:4 есебімен аяқталды.

Ойын 1 сағат, 25 минутқа созылды.

Бұған дейін Недовесов пен Эскобар аустралиялық Л.Сэвилл/Э.Харрис дуэтін жарыс жолынан шығарып тастаған. 

Фото: Sputnik / Владимир Песня