Семсерлесуден Қазақстан құрамасы Азия чемпионатында күміс жүлдеге ие болды
Қазақстан ерлер құрамасы семсерлесуден Азия чемпионатында екінші орын алды. Бұл әзірге Қытайдың Уси қаласында 17-22 маусымда өтетін құрлықтық чемпионаттағы жалғыз жүлде болып тұр, деп хабарлайды Prosports.kz тілшісі Zakon.kz сайтына сілтеме жасап.
Ұлттық құрама шешуші белдесу жолында Филиппинді (45:37), Өзбекстанды (45:40) және Оңтүстік Кореяны (42:36) жеңді. Командалық семсерлесу жарысында Руслан Құрбанов, Эльмир Әлімжанов, Вадим Шарлаимов, Ерлік Сертай күміс жүлдені жеңіп алды.
Семсерлесуден Азия чемпионатында Қазақстанның атынан 19 спортшы қатысып жатыр. Турнир 22 маусымда аяқталады.
