Попко Италиядағы жарысты ерте аяқтады

Қазақстандық теннисші Дмитрий Попко (әлемнің 344-ші ракеткасы) Италияның Парма қаласында өтіп жатқан «Челленджер» сериясының турнирінде негізгі айналымдағы алғашқы кездесуін өткізді, деп хабарлайды Prosports.kz.

Қазақстандық спортшы аргентиналық теннисші Андреа Колларимен (әлемнің 215-ші ракеткасы) кездесу өткізіп, екі сетте 4:6, 3:6 жалпы есебімен жеңілді.

Ойын бір сағат 26 минутқа созылды.

Айта кетейік, бұл кездесу турнирдің 1/16 финалы кезеңінде өтті.