Ильяр Асханов Бахрейнде Brave CF турнирінің басты жекпе-жегінде жеңіліп қалды

Жартылай жеңіл салмақтағы қазақстандық файтер Ильяр «Динамит» Асханов (12-4) Бахрейнде танымал Brave CF лигасының турнирінде өнер көрсетті, деп хабарлайды Prosports.kz.

Кештің басты жекпе-жегінде Асханов украиналық Омар Соломановпен (11-2) кездесті. Жекпе-жек үш раундқа созылып, Соломанов төрешілер шешімімен жеңіске жетті.

Осылайша, қазақстандық файтер карьерасында 5-рет жеңіліп отыр. Ал украиналық спортшы 12-мәрте жеңіске жетіп, енді лиганың жартылай жеңіл салмақтағы чемпиондық титулына таласады.