Месси карьерасындағы ең жылдам голды соқты

Аргентиналық футболшы Лионель Месси Аустралияға қарсы жолдастық кездесуде карьерасындағы ең жылдам голды соқты, деп хабарлайды Prosports.kz.

Месси ойын басталған соң 1 минут 19 секундтан кейін қанжығасын майлады. Бұған дейін ең жылдам голын 2017/18 жылғы маусымда Чемпиондар лигасында лондондық «Челси» қақпасына соққан, ол кезде 2 минут 7 секунд қажет болған еді.

Енді Криштиану Роналду мен Златан Ибрагимовичтің жетістігін қайталау үшін оған бірінші минутта гол салу керек.