ATP рейтингі жаңарды: қазақстандық теннисшілер қай орында?

Кәсіпқой теннисшілер қауымдастығы (ATP) рейтингтің жаңартылған нұсқасын жариялады, деп хабарлайды Prosports.kz тілшісі ҚазАқпаратқа сілтеме жасап.

<span>Қазақстанның бірінші ракеткасы Александр Бублик Ролан Гаррос турнирінің алғашқы айналымынан аса алмаса да, 51-ден 47-орынға көтеріліп, үздік елулікке қайта кірді.</span>

<span>Бублик осы аптада Хертогенбос (Нидерланд) жарысында өнер көрсетеді.</span>

<span>Жаңа рейтингіде Тимофей Скатов 147-ден 135-ке, АҚШ-тағы доданың финалына дейін жеткен Михаил Кукушкин 296-дан 252-ге, Бейбіт Жұқаев 325-тен 256-ға, Денис Евсеев, 310-нан 308-ге, Дмитрий Попко 360-тан 350-ге жоғарылады.</span>

<span>Сербиялық Новак Джокович қайтадан әлемнің бірінші ракеткасы атанса, испаниялық Карлос Алькарас пен ресейлік Даниил Медведев үздік үштікте тұр.</span>

<span>Жұптық сында Александр Недовесов 64-тен 59-орынға шықса, Андрей Голубев 82-ден 83-ке төмендеді.</span>

<span>Жұптық рейтингіде америкалық Остин Крайчик көш бастаса, нидерландтық Уэсли Колхоф екінші, ұлыбританиялық Нил Скупски үшінші сатыда.</span>