«Қолғап болмады». Қазақстандық бапкер 90-жылдардағы қатал ММА, 82-0 рекорды және Мақсұммен танысуы туралы
15 шілдеде Лас-Вегаста жеңіліп көрмеген қазақстандық файтер Азат Мақсұм (16-0) UFC-дегі дебюттік жекпе-жегін өткізеді, оның қарсыласы тәжірибелі америкалық Тайсон Нэм (21-13-1) болады.
«Қазақтың» карьерасындағы ең маңызды жекпе-жегі алдында Prosports.kz тілшісіне берген сұхбатында файтердің бапкері, белгілі қазақстандық ММА маманы Дәнеш Дүнгебаев 90-жылдардағы өнері, 82-0 рекорды және шәкіртінің әлемдегі ең үздік лигадағы жекпе-жегі тұралы пікір білдірді.
– Дәнеш, Азат Мақсұм сіздің залыңызға алғаш келген кезде неше жаста еді, сол кез есіңізде ме?
– Иә, ол менің залыма келген күн есімде. Ол 19 жаста еді.
– Бұл жігіт туралы алғашқы пікіріңіз қандай болды, Мақсұмның жоғары әлеуеті бірден байқалды ма?
– Мен Азатты бірден байқадым. Оған дейін еркін күреспен айналысқандықтан, жақсы күресетін.
- Жақында Мақсұм UFC-дегі алғашқы кездесуін өткізеді. Жаттығу жиыны қалай өтті және оның бұрынғы жиындардан айырмашылығы қандай болды?
- Біз OCTAGON лигасының президенті Нұраддин Садықовпен жиынның барлық егжей-тегжейлерін алдын ала келісіп алдық және бәрі ойдағыдай өтті. Бұл жиында бізге тәжірибелі файтер Қайрат Ахметов, сондай-ақ Triumph Fights командасы көмектесті.
- Кез келген спортшы карьерасында жаңа деңгейге көтерілуіне және әлемдегі ең үздік лигадағы дебютіне байланысты уайымдайды. Азат психологиялық тұрғыдан қаншалықты тұрақты файтер?
- Кез келген спортшы әрбір жаңа жекпе-жек алдында толқыйды. Негізінде Азат бұл жекпе-жекке психологиялық тұрғыдан дайындалған, біз оған көмектесіп жатырмыз.
- Маңызды жекпе-жек алдында түлегіңізге қобалжуды жеңу үшін қандай әдістерді қолданасыз?
– Біз бұл туралы көп сөйлесеміз. Мен оған тәжірибелі бапкер ретінде жақсы нұсқаулар беремін. Менің ойымша, ол толқу мен уайымды жеңе алады.
- Бірінші жекпе-жек тәжірибелі Тайсон Нэмге қарсы болады. Азатқа бұл жекпе-жекте жеңіске жету стратегиясы қандай деп ойлайсыз?
- Біз Тайсон Нэмнің барлық жекпе-жектерін қарап шықтық және оның қателіктерін ескере отырып, белгілі бір жұмыс стратегиясын әзірледік. Біз күреске көп көңіл бөлеміз.
– Сіз жеңіліп көрмеген файтер болдыңыз және 82-0 рекордыңыз бар. Бұл туралы толығырақ айтып бере аласыз ба? Бұл қандай жекпе-жектерден және турнирлерден тұрды?
– Біздің кезімізде ереже басқаша болатын. Қолғап болмады, бір раунд 30 минут, одан кейін 15 минуттан 2 раунд болды. Чемпион болу үшін күніне 4 жекпе-жек өткізуге тырыстық. Турнирлер болды – Қазақстан чемпионаты, Азия және Еуразия чемпионаты.
– Қиын 90-жылдары жекпе-жек өткізкге не түрткі болды?
– Бала кезімнен еркін күреспен айналыстым, бірақ нәтиже болмады. Осы кезде турнирлер басталып, өзімді сынап көрейін деп шештім және осындай жетістікке қол жеткіздім.
– Оққағарлармен жиі төбелесуге тура келгені рас па?
– Иә, ондай жағдайлар болды.
– Ол кездегі деңгей мен аралас жекпе-жектің өзі мүлде басқа болғаны анық. Егер сіз қазір өнер көрсеткен болсаңыз, қандай лигаларда бәсекелесе алар едіңіз, қалай ойлайсыз?
- Білмеймін. Әркімнің өз уақыты бар, менің ойымша, қазір әлемде жақсы файтерлер өте көп. Менде жеңілістер болуы дп мүмкін еді. Болжау мүмкін емес.
– Сіздің залда қазақстандық Аян Тұрсын жаттығады. Ол сіздің залыңызға келгенше оның жолы қандай болды?
– Аян Тұрсынды бұрыннан білемін. Ол маған дейін әуесқой ММА-де жақсы нәтиже көрсеткен. Оның менімен жұмыс істегеніне алты ай болды. Аянға біздің клуб, менің жаттығуларым ұнады, сондықтан бапкерінің рұқсатын алып, бізбен бірге жаттығады.
– Тұрсынның ММА-дегі болашағы қандай деп ойлайсыз? Әлемнің ең үздік лигасы - UFC-де өнер көрсетуге жеткілікті ме?
– Ол өте еңбекқор, жауапты және ұқыпты. Менің ойымша, ол осындай табандылықпен UFC-ді бағындырады!
– Жақында жеңіліп көрмеген тағы бір шәкіртіңіз Дамир Төленов OCTAGON лигасының чемпиондық белбеуінен бас тартты. «Қазақ Сехудосы» әлемнің ең үздік ММА-лигаларын бағындыруға дайын ба?
- Менің клубымның ең үздік файтерлерінің бірі - Дамир. Оның жаттығуда да, жекпе-жектерде де өзіндік ерекшеліктері бар. UFC-ге келетін болсақ, бұл біздің қазіргі басты мақсатымыз.
– Қазақстандық файтерлерден тағы кімдерді ерекше атар едіңіз?
– Ешкімді ерекше атай алмаймын. Қазір Қазақстанда ММА өте жақсы дамып келеді. Жақын арада біздің спортшылар әлемнің ең үздік лигаларын бағындырады деп ойлаймын!