Махмұд Сабырхан қандай олимпиадалық салмаққа көшетінін мәлімдеді

<span>Бокстан әлем чемпионы Махмұд Сабырханның қазіргі салмақ дәрежесі Олимпиада бағдарламасында жоқ. Осыған орай, боксшы қандай салмаққа көшетінін айтты, деп хабарлайды Prosports.kz тілшісі Nur.kz сайтына сілтеме жасап.</span>

<span>«Ағайларымызбен ақылдасып жатырмыз. 51 келіде Санжар мен Сәкен бар. Алла қаласа, 57 келіні ойлап жатырмыз. Бұл салмақта бірінші нөмір Серік Теміржанов. Оның да арманы Олимпиада чемпионы болу. Бұйырса, көреміз», - деді Махмұд Сабырхан. </span>

<span>Махмұд Сабырхан сынға түсетін 54 келі салмақ дәрежесі Олимпиада бағдарламасына енбеген. Боксшыға Париж Олимпиадасына қатысу үшін 51 келіге немесе 57 келіге өту керек. </span>

<span>Айта кетелік, Махмұд Сабырхан Ташкенттегі әлем чемпионатының финалында өзбек боксшысы Ойбек Жураевты нокдаунмен ұтты. </span><span>Кейін сұхбат берген спортшы досының кегін қайтару үшін өзбекстандық боксшымен кездесуді мақсат еткенін жасырмай айтты.</span>