Дарабаев ұлттық құраманың маусымдағы ойындарына қатыса алмайды

Қазақстан құрамасының жартылай қорғаушысы Аслан Дарабаев ұлттық құраманың маусым айындағы ойындарына қатыса алмайды, деп хабарлайды Prosports.kz сайты Meta-ratings.kz-ге сілтеме жасап. 

Дарабаев Қазақстан құрамасына шақырту алған, алайда жарақатына байланысты ұлттық құрамаға көмектесе алмайды.

Айта кетейік, Қазақстан құрамасы 8 маусымда Алматыда оқу-жаттығу жиынын бастайды.

Бас командамыз 2024 жылғы Еуропа чемпионатына іріктеу кезеңі аясында 16 маусымда Сан-Мариномен, 19 маусымда Солтүстік Ирландиямен кездеседі.