Қазақстандық спортшы Бішкектегі рейтингтік турнирде топ жарды

Бүгін Қырғыз Республикасының астанасы Бішкекте Қожамқұл Қабаұлы және Ратбек Санатбаев атындағы күрестен рейтингтік турнир басталды, деп хабарлайды Prosports.kz тілшісі Nur.kz сайтына сілтеме жасап.

<span> Ұлттық құрама спортшылары доданың алғашқы күні 1 алтын, 1 күміс, 3 қола медаль жеңіп алды. </span>

<span>Грек-рим күресінен 55 келіге дейінгі салмақта VI жазғы Спартакиаданың жеңімпазы Марлан Мұқашев финалда өзбекстандық Ихтиор Ботировты жеңіп(4-2), жеңімпаз атанды. </span>

<span>Осы салмақта қола медаль үшін таласта тағы бір отандық балуан Ерсін Абыйыр үндістандық балуаннан жеңілді. Ал Аманғали Бекболатов тағы бір өзбекстандық Жасурбек Ортикбоевтан айласын асырып, қолаға қол жеткізді. </span>

<span>Осыдан кейін Нұрсұлтан Базарбаев (60 келі) финалда өзбекстандық Исломжон Бахрамовтан жеңіліп, турнирдің күміс жүлдесіне ие болды. Ал Ернар Фидахметов жарыс қожайыны Балбай Дордоковты жеңіп, қоланы қанағат тұтты.</span>

<span> Өкінішке қарай, 87 кг дейінгі салмақта Нұрсұлтан Тұрсынов қола медаль алса, Азамат Құстубаев болса түркиялық Әли Чингизге есе жіберді. </span>

<span>Турнир 4 маусым күні аяқталады.</span>