«Ролан Гаррос-2023»: Скатов екінші айналымға өте алмады

Қазақстандық теннисші Тимофей Скатов (әлемнің 147-ракеткасы) Парижде өтіп жатқан Францияның ашық чемпионатының екінші айналымына өте алмады, деп хабарлайды Prosports.kz.

Отандасымыз бірінші айналымда болгар теннисшісі Григор Димитровпен (әлемнің 29-ракеткасы) кездесіп, 0:6, 3:6, 2:6 есебімен жеңілді.

Кездесу 1 сағат 55 минутқа созылды.

Айта кетейік, бұған дейін Елена Рыбакина Rolan Garros 2023 турнирінің екінші айналымына жолдама алған болатын.