Юлия Путинцева: Ойын жүрмеді, кейде корт күткендегідей болмады

Қазақстанның – екінші, әлемнің 58-ракеткасы Юлия Путинцева Ролан Гаррос турнирінің алғашқы айналымындағы жеңісінен кейін сұхбат берді.

- Матчтың басы оңай болған жоқ. Ойын жүрмеді, кейде корт күткендегідей болмады. Дегенмен қарсыласымның осал тұсын іздеп, күресу керектігін түсіндім. Ол сетке доп бергенде, брейк жасай алсам, таразы басын өзіме аударуға болатындығын білдім. Ақыры солай болғанына қуаныштымын.