«Ақсу» ойыншысына ҚПЛ-дың екі клубы қызығушылақ танытып отыр

Павлодарлық «Ақсудың» 30 жастағы легионері Тони Сильва жазғы трансферлік кезеңде басқа командаға ауысуы мүмкін, деп хабарлайды Prosports.kz сайты Meta-ratings.kz-ке сілтеме жасап.

Сильваның «Ақсумен» келісімшарты жақында аяқтайды. Қазір оған «Мақтаарал» мен «Қайсар» қызығушылық танытып отыр.

Сондай-ақ жазда африкалыққа Кипр чемпионатының командасынан ұсыныс түсті. Кипрлік клуб келесі айда Сильвамен қайта келіссөз жүргізуі мүмкін. 

Осы маусымда Тони 12 матчқа қатысып, 4 гол соқты және 3 нәтижелі пас берді.