Регбиден Қазақстан әйелдер құрамасы Азия чемпионатының күміс жүлдегері атанды

Регби-15 Қазақстан әйелдер құрамасы Азия чемпионатының финалында Жапониядан жеңіліп қалды, деп хабарлайды Prosports.kz.

Ойын Алматыда «Абай» спорттық-мәдени кешенінің аумағында өтті.

Регбиден XII Азия чемпионатының финалдық кездесуінде қазақстандық спортшылар жапониялық спортшылардан 0:72 есебімен жеңіліп, турнирдің күміс жүлдегерлері атанды.

Еске салайық, жартылай финалда Анна Яковлева шәкірттері Гонконг құрамасын 27:23 есебімен жеңген болатын.

Қазақстан әйелдер құрамасы 5 рет Азия чемпионы атанған.