Мысырдағы Әлем Кубогы кезеңі Ұлттық құрама үшін сәтті өтіп жатыр
<span>Мысырдың Хургада қаласында артистік жүзуден Әлем Кубогының кезекті кезеңі өтіп жатыр. Бүгін Ұлттық құрама спортшылары үшін жарыс сәтті болып, қоржынымызға қос жүлде түсті.</span>
<span>Әуелі Қазақстан командасының көшбасшысы Эдуард Ким мен Наргиза Болатова жұбы техникалық бағдарламада 229,1042 балл жинап, күміс медаль жеңіп алды. Олар биыл Канадада өткен кезеңде үздік үштікті түйіндеген еді. </span><span>Алтын «Жыл мезгілдері» туындысына өнер көрсеткен испаниялық Фернандо Диас дель Рио Сото мен Эмма Гарсияның еншісінде кетті.</span>
<span>Осыдан кейін аралас командалық сынның еркін бағдарламасында Қазақстан 277,3750 ұпаймен Италия мен Мысырдан кейінгі сатыға тұрақтады. Сондай-ақ Эдуард Ким жекелей сындағы еркін бағдарламаның финалына шығып, 5-сатыдан көрінсе, Арина Пушкина мен Ясмин Тұяқова жұбы техникалық бағдарламаның финалында 5-орынға жайғасты.</span><span> Ертең Әлем Кубогының 3-кезеңі мәресіне жетеді.</span>