Алматыдағы турнирде қазақстандық күрес жұлдызы 0:5 есебінен камбэк жасады

Әйелдер күресінен Қазақстан құрамасының көшбасшысы Жәмилә Бақбергенова Поддубный күрес лигасының турнирінде жеңіске жетті, деп хабарлайды Prosports.kz.

Турнирге Жәмиля Бақбергенова өз салмағында сөзсіз көшбасшы ретінде қатысты. 72 келіге дейінгі салмақта финалдық белдесуде атақты қазақстандық спортшы екінші орын алған Ксения Бураковадан жеңісті жұлып алды. Соңғы жекпе-жектің нәтижесі 6:5.

Бұған дейін ол Үндістанда (2020) және Моңғолияда (2022) өткен Азия турнирлерінің жеңімпазы атанған. Ол сондай-ақ әлем чемпионатының екі дүркін күміс жүлдегері.