Дәукенов кәсіпқой мансабындағы 12-жеңісіне қол жеткізді

Қазақстандық Дәулет Дәукенов кәсіпқой мансабындағы 12-жеңісіне қол жеткізді, деп хабарлайды Prosports.kz.

Қазақстандық Оломоуц қаласында (Чехия) кәсіпқой бокс кешінде өнер көрсетті. Ол никарагуалық Робин Саморамен кездесті. Бірінші жартылай орта салмақ дәрежесінде өткен жекпе-жекте Дәукенов төрешілер шешімімен жеңіске жетті.

Осылайша, Дәулет Дәукенов екінші дәрежелі WBC белбеуі – ТМД, Славян және Балтық елдері бокс бюросының нұсқасы бойынша чемпион атағын жеңіп алды.