Қазақстан әскерилері алғашқы әскери-спорт ойындарында үшінші орын иеленді

<p style="text-align: justify;"> <strong>Бүгін Мәскеуде өтіп жатқан ТМД елдері арасындағы Бірінші әскери-спорт ойындары өз мәресіне жетті. Қазақстан армиясының құрама командасы жарыста үшінші орынды иеленді.&nbsp;</strong></p> <p style="text-align: justify;"> ҚР Қорғаныс министрлігінің баспасөз қызметінен мәлімдегендей, біздің әскерилер барлығы 47 медальға, атап айтсақ &ndash; 7 алтын, 16 күміс және 24 қола жеңіп алып, Қырғызстан, Тәжікстан және Армения елдерінің спортшыларын артта қалдырды.</p> <p style="text-align: justify;"> Алғашқы әскери-спорт ойындарында Қазақстанның атынан ҚР ҚМ Армияның орталық спорт клубының атақты әскери спортшылары шықты. Суда жүзу, дзюдо, қоян-қолтық күрес, гір спорты, офицерлік үшсайыс және штаттық қарудан оқ ату бойынша сайысқа түскен біздің сарбаздар жүлделі орындарды жеңіп алды. Жарысқа алты елден барлығы 300-ден астам әскери қызметші қатысты.&nbsp;</p> <p style="text-align: justify;"> Бірінші орынды ресейдің атлеттері, ал екінші орынды &ndash; Беларусь армиясының құрамасы жеңіп алды.&nbsp;</p> <p style="text-align: justify;"> Ертең, 1 тамыз күні Халықаралық армиялық ойындар басталатынын айта кеткен жөн. Қазақстан осы ауқымды шара аясында үш түрлі сайысқа қатысады. Атап айтқанда, олар &laquo;Танк биатлоны&raquo;, &laquo;Авиадартс&raquo; және &laquo;Каспий теңізі&raquo; (теңіз биатлоны).&nbsp;</p> <p style="text-align: justify;"> Ағымдағы жылдың 1-15 тамызы аралығында біздің 20 танкшы Мәскеу облысына қарасты &laquo;Алабино&raquo; полигонында өтетін 13 мемлекет өкілдерімен бірге шеберліктерін сынайды. Дәл осы уақытта Рязань, Сызрань және Липецк қалаларының әуе айлақтарында Миг-29, Су-25, Су-27 және Ми-8 қазақстандық ұшу экипаждарының қатысуымен &laquo;Авиадартс&raquo; өтеді. Ал Ресейдің Каспийдегі акваторияларында бұл сәтте &laquo;Сарыарқа&raquo; және &laquo;Орал&raquo; зымыранды-артиллериялық кемелерінде ҚР ҚК Әскери-теңіз күштерінің әскери теңізшілері және &laquo;Батыс&raquo; өңірлік қолбасшылығының теңіз жаяу әскерлерінен құралған бригадасы теңіз биатлонының жүлделі орындары үшін сайысқа түсетін болады.</p> <p style="text-align: justify;"> &nbsp;</p> <p style="text-align: justify;"> &nbsp;</p> <p style="text-align: justify;"> BNews.kz сайтының материалы бойынша</p>