Кәшкен ҚПЛ клубына ауысуы мүмкін

Қорғаушы Дінмұхаммед Кәшкен Қарағандының «Шахтерына» ауысуы мүмкін, деп хабарлайды Prosports.kz Meta-ratings.kz сайтына сілтеме жасап.

Қарағандылықтар қорғаныс шебінде қиындықтарды бастан кешіруде, ал Кәшкен литвалық «Жальгиристен» кеткеннен кейін еркін агент мәртебесінде.

Жақын арада 23 жастағы футболшы өзінің жаңа клубы туралы шешім қабылдайды.

Кәкен «Жальгирис» сапында 2022 жылдан бері ойнап, Литва чемпионы атанып, ел кубогын жеңіп алған.