Бибісара Асаубаева Үндістандағы жарыста топ жарды

<span>Үндістан астанасы Нью-Дели қаласында шахматтан әйелдер арасындағы Гран-при өтіп жатыр, деп хабарлайды Prosports.kz тілшісі 24.kz сайтына сілтеме жасап.</span>

<span>Әлемдік аламанға ең үздік деген 12 спортшы шақырту алды. </span><span>Араларында қазақстандық Бибісара Асаубаева да бар. Ол бүгінге дейін барлық кездесулерін сәтті өткізіп, турнир тізімінің 1-сатысында тұр. Соңғы турда қазақ қызы жергілікті Хампи Конермен жолығып, ойын тең нәтижемен аяқталды. </span>

<span>Бибісара бұған дейін ресейлік Полина Шувалованы және үндістандық Харика Дронаваллиді сенімді ұтқан болатын. Соның арқасында жерлесіміздің еншісінде қазір 4,5 ұпай бар. Екінші орында 4 ұпаймен  қытайлық Жу Цзинер келеді. Бүгін енді осы топ басындағы қазақ және қытай қыздары өзара мықтыны анықтайды. </span>

<span>Нью-Дели қаласында дода 6 сәуірге дейін жалғасады. Осы аралықта жоғарыда айтқан 12 спортшы айналмалы жүйеде бір-бірімен кездесіп шығады. Негізгі бұл бәсекеге тағы бір қазақстандық Жансая Әбдімәлік те қатысуы керек еді. Бірақ, ол ұйымдастырушылардың жұмысына көңілі толмай, жарыс басталмай тұрып елге қайтып оралды.</span>