Рыбакинаның Майамидағы келесі қарсыласы анықталды

WTA 1000 Miami Open санатындағы турнирдің 1/8 финалындағы қазақстандық Елена Рыбакинаның қарсыласы анықталды, деп хабарлайды Prosports.kz.

Ширек финалға шығу үшін Қазақстанның бірінші ракеткасы Бельгия өкілі Элиза Мертенспен шеберлік сынасады, ол үшінші раундта хорват Петра Мартичті екі сетте ұтты - 6:4, 6:3.

Бұған дейін Рыбакина Мертенспен үш рет кездесіп, екі кездесуде жеңіске жетіп, бір рет жеңіліске ұшыраған. Соңғы кездесу 2021 жылдың тамыз айында Цинциннатиде өткен турнирде өтіп, бұл кездесуде қазақстандық теннисші жеңіске жетті – 6:3, 6:2.