Нұрмағанбет пен Аманқұлдың келесі жекпе-жегі қашан өтеді

Қазақстандық кәсіпқой боксшылар Бек Нұрмағанбет (8-0, 6КО) пен Әбілхан Аманқұл (2-0, 1КО) келесі жекпе-жегін 15 сәуірде өткізеді, деп хабарлайды Prosports.kz.

Біздің спортшылар Калифорнияда (АҚШ) өтетін бокс кешінде өнер көрсетеді.

Супер орта салмақтағы Бек колумбиялық Эбер Рондонмен (20-3, 13КО) кездеседі. Жекпе-жек сегіз раундқа жоспарланған.

Ал Әбілхан Аманқұл орта салмақта жұдырықтасады. Оның қарсыласы әлі анықталған жоқ. Жекпе-жек сегіз раундқа есептелген.

Айта кетейік, екі боксшы да Сауль Альварес залында жаттығып жүр.