Қырғызстандық 19 жастағы файтер OCTAGON чемпионы атанды

OCTAGON 43 шарасы аясында басты жекпе-жек аяқталды, деп хабарлайды Prosports.kz.

19 жастағы қырғызстандық Илимбек Ақылбек уулу (6-1) мен 23 жастағы қазақстандық Айваз Айдинов (5-1) жеңіл салмақта Eurasian Promotion Гран-приінің финалында кездесті.

Қырғызстан өкілі үшінші раундта қылқындыру әдісін сәтті қолданып, Айвазды жеңіп кетті.

Осылайша, Илимбек Ақылбек уулу ОКТАГОН лигасының жаңа чемпионы және 10 мың доллардың иегері атанды.

Промоушеннің келесі шарасы 29 сәуірде Алматыда өтеді.