«Астананың» бұрынғы ойыншысы «Елімайға» ауысуы мүмкін

28 жастағы қорғаушы Берік Шаихов семейлік «Елімайға» ауысуға жақын, деп хабарлайды Prosports.kz.

Футболшы Астанадағы «Елимай» оқу-жаттығу жиынына қосылды.

Шаихов Талдықорған футболының, сондай-ақ Ole Brazil академиясының түлегі. Ол өз мансабында «Астана», «Ертіс», «Ақжайық», «Шахтер», «Қызыл-Жар» және «Тараз» командаларында өнер көрсеткен. Өткен маусымды Жетісуда өткізіп, командасының ҚПЛ-ға шығуына ықпал етті.

Бұған дейін хабарлағанымыздай, «Елімай» «Тараздың» бұрынғы қақпашысы Денис Кавлиновпен келісім-шартқа отырды.