Australian Open-2023: Елена Рыбакина турнирде қанша табыс тапты?

Қазақстанның бірінші, әлемнің 25-ракеткасы Елена Рыбакина Аустралия ашық чемпионатының ширек финалында жеңіске жетіп, <span>651 656</span> доллар тапты, деп хабарлайды Prosports.kz.

Australian Open жүлделер кестесіне сәйкес, әйелдер арасындағы жекелей сында жартылай финалға шыққаны үшін Рыбакина 651 656 доллар алады. Сонымен қатар, оған жұптық сында <span>1/8 финалға</span> шыққаны үшін 23 689 доллар беріледі.

Әзірге Рыбакинаның аустралиялық <span>мейжор</span>дағы жалпы гонорары 675 345 доллар немесе 312 миллион теңгеден асады.

Қазақстандық теннисші ширек финалда әлемнің 17-ракеткасы, Ролан Гаррос турнирінің 2017 жылғы чемпионы, латвиялық Елена Остапенконы 6:2, 6:4 есебімен жеңген болатын.

Жартылай финалда Елена Рыбакина <span>америкалық </span>Джессика Пегула мен <span>Беларусь өкілі </span>Виктория Азаренко арасындағы матчтың жеңімпазымен кездеседі.

Алғашқы «Үлкен дулыға» турнирі Аустралияның Мельбурн қаласында 16-29 қаңтар аралығында өтіп жатыр. 2023 жылғы турнирдің жүлде қоры 3,4 пайызға өсіп, рекордтық 76,5 миллион доллар болды.

<span>Еске салайық, Australian Open финалына шыққан теннисші 1,14 миллион АҚШ долларын, жеңімпаз 2,095 миллион доллар алады.</span>