Ресейлік қақпашы ҚПЛ-да жаңа клубқа ауысады

Ресейлік қақпашы Мирослав Лобанцев жақында Қазақстандағы командасын ауыстырады, деп хабарлайды Prosports.kz.

«Егер ештеңе өзгермесе, 10 қаңтарға дейін мен жаңа командамен келісімшартқа отырамын. Клубтың аты ма? Келісімге қол қоймаған соң ештеңені нақты айтуға келмейді», - деді 27 жастағы футболшы Meta-ratings.kz сайтына.

Айта кетейік, қақпашыға «Ақтөбе», «Тобыл» және «Астана» қызығушылық танытып отыр. Кейінгі үш маусымда қақпашы «Қызыл-Жар» сапында өнер көрсетті.