Садриддин Ахмедов Алматыдағы жеңісінен кейін үлкен жоспарымен бөлісті

Қазақстандық боксшы Садриддин Ахмедов (13-0, 10 КО) 24 желтоқсанда Алматыда өткен бокс кешінің негізгі жекпе-жегінде оңтүстік африкалық Нкулулеко Мхлонго (23-11-1, 18 КО) жеңгеніне қатысты пікір білдірді және болашаққа арналған супер амбициялық жоспарын айтты, деп хабарлайды Prosports.kz.

24 желтоқсанда Садриддин Ахмедов бірінші раундта Нкулулеко Мхлонгоны төрт рет нокдаунға түсірді. Оңтүстік африкалық боксшы екінші раундқа шықпай, осылайша мерзімінен бұрын жеңілгенін мойындады.