Қазақстандық теннисші Мысырдағы турнирді жеңіспен бастады

Қазақстандық теннисші Григорий Ломакин Шарм-эль-Шейхте (Мысыр) өтіп жатқан турнирдің жұптық сынында бірінші айналымдағы кездесуін өткізді, деп хабарлайды Prosports.kz.

Қазақстандық ресейлік теннисші Марат Шәріповпен бірге мысырлық-американдық Карим Ибрахим – Джаспер Лай дуэтімен кездесіп, жеңіске жетті. Кездесу үш сетте 6:0, 4:6, 10:3 есебімен аяқталды.

Қазіргі уақытта қазақстандық теннисші жекелей сында ATP (Кәсіпқой теннисшілер қауымдастығы) әлемдік рейтингінде 970-ші орында тұр. Шәріпов рейтингтің 824-ші қатарында.

Айта кетейік, бұл кездесу Египет турнирінің 1/8 финалы аясында өтті.