Марокко ойыншылары Хорватиямен матчтан соң алаңда сәжде жасады

Биылғы әлем чемпионатының сенсациясын жасаған Марокко құрамасы қола медальға талас үшін Хорватиямен өткізген ойыннан кейін сәжде жасады.

Хорватия құрамасы Катарда өтіп жатқан әлем чемпионатында Марокко құрамасынан басым түсіп, үшінші орын алған. 17 желтоқсанда "Халифа" стадионында өткен кездесу 2:1 есебімен Хорватия құрамасының пайдасына аяқталды.

Соған қарамастан Испания, Португалияны жарыстан шығарған Марокко құрамасы қолаға таласта Хорватияға есе жіберсе де, биылғы әлем кубогында жанкүйерге көп эмоция сыйлаған құраманың бірі ретінде тарихта қалатыны сөзсіз.