Қазақстан құрамасы есту қабілетінде кемістігі бар 21 жасқа дейінгі спортшылар арасындағы әлем чемпионатының финалына шықты

Футзалдан 21 жасқа дейінгі есту қабілетінде кемістігі бар спортшылар арасындағы әлем чемпионатының жартылай финалында Қазақстан құрамасы Малайзия құрамасымен кездесуде жеңіске жетті, деп хабарлайды Prosports.kz.

Кездесу 4:3 есебімен қазақстандық спортшылардың пайдасына аяқталды.

Финалда қазақстандықтар Иран құрамасымен (жартылай финалда Өзбекстан құрамасын 4:3 есебімен жеңген) кездеседі. Финал 16 желтоқсан күні сағат 11:30-да (Астана уақытымен) басталады.

Фото difa.org