Фроч Головкин үшін өзінің тым күшті екенін айтты

<p style="text-align: justify;"> <strong>Орта салмақта әлемнің бұрынғы чемпионы, ағылшын боксшысы Карл Фроч өзін Геннадий Головкин үшін тым күшті екенін айтты. Айта кетейік, осыған дейін ол қазақстандықпен жұдырықтасуға қызығушылық танытқан еді.</strong></p> <p style="text-align: justify;"> Алайда кейін Фроч екінші орта салмақта IBF чемпионы, 29 жастағы ағылшын Джеймс Дигейлмен жекпе-жек өткізуге қызығып отырғанын мәлімдеді. Фрочтың таяуда әлеуметтік желілердің біріндегі парақшасына "GGG үшін тым үлкен әрі күшті" деп, суретін салғаны хабарланды.</p> <p style="text-align: justify;"> Айта кетейік, бұған дейін экс-чемпионның мүддесін қорғаушы ағылшын промоутері Эдди Хирн оның мансап жолы жалғасатын болса Геннадий Головкинмен кездесу болып қалуы мүмкін екенін мәлімдеді.</p> <p style="text-align: justify;"> Еске салайық, осының алдында Геннадий Головкинге багам боксшысы Туреано Джонсонның ең лайықты қарсылас болып отырғаны хабарланған болатын. Бұл туралы Boxingnews24.com басылымы ESPN тілшісі Дэн Рафаэльге сілтеме жасап хабарлады.</p> <div> &nbsp;</div> <div> Tengrinews.kz сайтынан</div>