Күрес

Таразда еркін күрестен халықаралық турнир басталды

Таразда еркін күрестен халықаралық турнир басталды

Таразда еркін күрестен ересектер арасындағы халықаралық турнир өтіп жатыр, деп хабарлайды Prosports.kz тілшісі «Хабар 24» сайтына сілтеме жасап.

Палуандар бәсекесі Дінмұхамед Қонаевтың 110 жылдығына арналған. 3 күнге жоспарланған жарыс Жақсылық Үшкемпіров атындағы спорт сарайында өтіп жатыр. 8 елден келген 143 палуан, 10 салмақ дәрежесі бойынша кім мықтыны анықтайды. Айта кетейік, бұл турнир 2007 жылдан бері тұрақты ұйымдастырылып келеді.

Жүлде қоры ауқымды. 33 милион теңге. Жарыс жеңімпазына 4 000 АҚШ доллары берілсе, II орынға 2 000, 3-орынға 500 АҚШ доллары қарастырылған. Әрі әр салмақ дәрежесі бойынша жеңімпаз спортшының жаттықтырушысына – 500 АҚШ доллары беріледі. Мамандар халықаралық бұл жарыстың отандық спортшыларға тәжірибелік тұрғыда берері көп дейді. 

Марат Нұржанов, жарыстың бас төрешісі:

– Бүкіл әлемдік күрес қауысдастығы бар. Сол күрес қауымдастығына кіретін ереже бойынша өтеді. Осы жарыс біздің балаларымызға болашақта, келесі жылы өтетін Азия ойындарына және лицензиялық әлем біріншіліктерінде үлкен үлесін қосады.  

Ошибка в тексте? Выделите и нажмите Ctrl+Enter
Пікірлер 0