15 жастағы қазақстандық джиу-джитсудан әлем чемпионы атанды
<span>Абу-Дабиде (Біріккен Араб Әмірліктері) өткен джиу-джитсудан әлем чемпионатында атыраулық Болашақ Сүйекенов әлем чемпионы атанды, деп хабарлайды Zakon.kz.</span>
<span>Атырау облысының өңірлік коммуникациялар қызметінің хабарлауынша, Болашақ Сүйекенов әлем чемпионатында 38 келі салмақ дәрежесінде бақ сынады.</span>
<span>Бас бапкер Айбар Есенғалиевтің сөзінше, қазақстандық шәкірттер өте ұзақ уақыт дайындалды.</span>
<span>«Әлем чемпионатына қатысу тынымсыз дайындықты, қажырлы еңбекті, жеңіске деген ұмтылысты қажет етеді. Спортшыларымыз қатысып, нәтижелерін көрсетіп жатыр. Жарыстар жоғары деңгейде өтіп жатыр», – деді ол.</span>
<span>Жалпы есепте Қазақстан құрамасы жекелей сында көш бастады.</span>
<span>Абу-Дабидегі джиу-джитсудан әлем чемпионаты 2022 жылы 28 қазанда басталып, 8 қарашаға дейін жалғасады. Оған 65 елден 1,5 мың спортшы қатысып жатса, елімізден 28 спортшы барды.</span>