Жәнібек Әлімханұлы Хайме Мунгияға қарсы жекпе-жек өткізуі мүмкін

Орта салмақта WBO тұжырымы бойынша әлем чемпионы қазақстандық Жәнібек Әлімханұлының командасы (12-0, 8 КО) Instagram парақшасында мәлімдеме жасады, деп хабарлайды Prosports.kz.

«WBO президенті Жәнібек 12 қарашада ұлыбританиялық Дензел Бентлиді жеңетін болса, Әлімханұлы орта салмақтағы WBO чемпиондық атағын мексикалық Хайме Мунгуияға қарсы кездесуде қорғауға міндеттейтінін айтты», - делінген жазбада.

Мунгияда 40 жеңіс пен 0 жеңіліс бар. Ол орта салмақтағы WBO рейтингінде бірінші орында тұр. Хайме жартылай бірінші орта салмақтағы WBO белбеуінің иегері.