«Universum-мен бұл туралы сөйлескен жоқпыз». Жан Кособуцкий - германиялық боксшымен және чемпиондармен жекпе-жек туралы
5 қарашада Германияда ауыр салмақтағы жеңіліп көрмеген қазақстандық боксшы Жан Кособуцкий (18-0, 17 КО) 31 жастағы германиялық Хусейн Мухамедпен (17-0, 14 КО) WBC International титулын сарапқа салады.
Арқалық тумасы Prosports.kz тілшісіне берген сұхбатында жекпе-жекке дайындығы мен көңіл-күйі және әлем чемпиондарымен алдағы кездесулері туралы айтып берді.
– Жан, Хусейн Мухамедке қарсы жекпе-жекке қалай және қай жерде дайындалып жатсыз? Не нәрсеге басымдық беріп отырсыз?
– Жекпе-жекке Минскіде дайындалып жатырмыз. Ешнәрсеге басымдық бермейміз, бәрі жағдайға байланысты.
– Мухамед барлық жекпе-жегін Германияда өткізді, сіздің Universum Boxing промоутеріңіз де сонда орналасқан. Командаңыз ол туралы не ойлайды және бірінші кезекте неге назар аударуға кеңес берді?
– Шынымды айтсам, мен ол туралы не ойлайтынын білмеймін, өйткені мен олармен бұл туралы сөйлескен емеспін.
– Қарсыласыңыз, сіз сияқты, нокаут пайызы көп, жеңілмеген боксшы. Оның рекорды мотивацияңызға әсер ете ме және осыған сүйене отырып, өзіңіз үшін қиын қарсыласты күтесіз бе?
– Жақсы рекорд. Бұрын мен оған мән беретін едім, ал қазір бәрібір.
- Жеңіліп көрмеген хорватиялық Агрон Смакичиді бірінші раундта жеңгеніңіз бәрінің есінде. Мухаммедті де осы күтіп тұр ма?
– Қазір ондай нәрселерді ойламаймын, бірақ жекпе-жек жақындағанда анықталады.
- Кәсіпқойлар арасында нокауттарыңыздың пайызы әрбір жаңа жекпе-жекті мерзімінен бұрын аяқтау міндеттемесінің салдары ма, әлде бәрі өздігінен бола ма?
– Мен жасөспірімдер арасындағы жарыстардан бастап жекпе-жекке осылай бейімделемін. Біз жекпе-жекте мақсат пен міндет қоямыз, содан кейін оған барамыз.
– Universum Boxing осы жекпе-жекте жеңімпаз атанған спортшы әлем чемпионы атағы үшін жекпе-жекке шығу құқығына ие болатынын мәлімдеді. Алдағы жекпе-жектен кейін мансаптың осындай қарқынды дамуы қаншалықты шынайы деп ойлайсыз?
– Ерте ме, кеш пе, мұндай болады. Әзірге бұл туралы көп ойламаймын.
– Жақын арада қазіргі әлем чемпиондарының қайсысымен рингте кездескеніңіз келеді?
– Ең мықтысымен.
Фото: Universum Boxing, инстаграм аккаунт Хуссейна Мухамеда